Ronaldunun hansı komandalara təklif edildiyi məlum oldu

13 Avqust 2020

İtaliya təmsilçisi "Yuventus"da çıxış edən Kriştianu Ronaldunun agenti Jorje Mendeş futbolçunu İspaniya "Barselona"sı daxil olmaqla bir neçə kluba təklif edib. 

Heftelik.az-ın Report-a istinadən verdiyi məlumata görə,  bu barədə jurnalist Gilerme Balaqe bildirib.

BUNA DA BAX: “Fənərbaxça” “Qarabağ”ın sabiq qapıçısı ilə anlaşdı

Onun sözlərinə görə, agent 35 yaşlı hücumçu üçün müxtəlif klublarla əlaqə qurub. 

Mendesin təklifini alan komandaların arasında "Barselona" ilə yanaşı, Fransa PSJ-si və bir neçə Şimali Amerika təmsilçisi olub. 

Jurnalistin sözlərinə görə, Ronaldu "Qızıl top" mükafatını qazana biləcəyi komandaya keçmək istəmir. Balaqe deyib ki, portuqaliyalı forvardın əsas hədəfi illik 23 milyon avro qazanmaqdır. 

Ronaldu "Yuventus"a 2018-ci ilin yayında "Real Madrid"dən keçib. Transferin məbləği 117 milyon avro təşkil edib. 35 yaşlı hücumçu İtaliya çempionatının cari mövsümünün 33 matçında (bütün oyunlarda əsas heyətdə) iştirak edərək 31 qol vurub, həmçinin 6 məhsuldar ötürmə verib. Hücumçunun klubla müqaviləsi 2022-ci il ilin yayında başa çatır.

Top