ÜST-dən koronavirusla bağlı qorxulu proqnoz

14 Fevral 2020

Dünya əhalisinin 2/3-si koronavirusa (COVID-19) yoluxa bilər.

Heftelik.az-ın "Bloomberg"ə istinadən verdiyi xəbərə görə, bu barədə Çində virusun yoluxma imkanlarını araşdıran Ümumdünya Səhiyyə Təşkilatının (ÜST) məsləhətçisi İra Longini bildirib.

BUNA DA BAX: Çindən gələn daha bir nəfər xəstəxanaya yerləşdirildi – RƏSMİ

İra Longini bildirib ki, milyardlarla insanın koronavirusa yoluxması mümkündür: “Elan edilən karantinlər koronavirusun yayılmasını ləngidə bilər. Ancaq bu virusun Çində və digər ölkələrdə sürətlə yayılma potensialı böyükdür”.

İ. Longininin hesablamalarına əsasən, virusa yoluxmuş bir insan xəstəliyi iki-üç nəfərə ötürə bilir: “Sürətli testlərin olmaması və bəzi insanlarda infeksiyanın nisbi yumşaqlığı onun yayılmasını izləməyi çətinləşdirir. Virusun yayılmasını azaltmaq üçün vasitə olsa belə, demək olar dünya əhalisinin 2/3-sinin bu virusa yoluxma təhlükəsi var. Karantin virusu dayandırmaq iqtidarında deyil”.

Şərh vermək üçün giriş edin
Top