Azərbaycanda bələdiyyələr qəbiristanlıqları idarə edə bilmir – Hökumətdən pul istənildi

31 Mart 2020

Heftelik.az-ın APA-ya istinadən verdiyi məlumata görə, bu, 2019-cu il üzrə “Bələdiyyələrin fəaliyyətinə inzibati nəzarətin həyata keçirilməsi ilə bağlı illik məruzə”də əksini tapıb.

BUNA DA BAX: Azərbaycanda indiyə qədər koronavirusa yoluxan, sağalan və ölənləri sayı açıqlandı

Məruzədə qeyd edilib ki, Nazirlər Kabinetinin 2018-ci il 4 dekabr tarixli qərarı ilə təsdiq edilmiş “Qəbiristanlıqların salınması  və idarə olunması Qaydaları”nın bələdiyyələr tərəfindən öyrənilməsi və tətbiqinə kömək məqsədilə “Yaddaş kitabçası” hazırlanaraq bələdiyyələrə göndərilib. Qaydalarda müəyyən edilən vəzifələrin icrası məqsədilə “Dəfnlərin vahid reyestrinin aparılması və bu reyestrdən arayış forması və verilməsi Qadası”nın, “Dəfnlərin qeydiyyat kitabının formasının və onun aparılması Qaydaları”nın, eləcə də “Qəbiristanlıqların nümunəvi nizamnaməsi”nin layihələri hazırlanıb. Eyni zamanda bu sahədə mövcud olan problemlərlə bağlı (əksər bələdiyyələrin zəruri texniki avadanlıqlara, İnternet şəbəkəsinə çıxışa malik olmaması, onlarda kompüter texnologiyası üzrə zəruri biliyə malik kadr çatışmazlığı, qəbiristanlıqların bələdiyyələrə verilməsi prosesinin başa çatmaması və s.)  Nazirlər Kabinetinə müraciət edilərək qəbiristanlıqların idarə edilməsi üzrə bələdiyyələrin səlahiyyətlərinin həyata keçirilməsi üçün zəruri maliyyə vəsaitinin müəyyən edilərək ayılması, növbəti illərlə, xüsusilə də kənd bələdiyyələrinin büdcəsinə bu məqsədlə dotasiyaların artırılması, həmçinin daşınmaz əmlakın dövlət reyestrində qeydə alınmayan qəbiristanlıqların dövlət reyestrində qeydə alınaraq bələdiyyələrə təhvil verilməsinə görə maliyyə və inzibati resursların müəyyən edilməsi məsələlərinə baxılması xahiş olunub.

Şərh vermək üçün giriş edin
Top