Qurban bayramı ilə əlaqədar fətva niyə verilmədi?

29 İyul 2020

Qafqaz Müsəlmanları İdarəsinin sədri Allahşükür Paşazadə bu il Qurban bayramı ilə əlaqədar fətva verilməməsinə aydınlıq gətirib.

QMİ-dən Heftelik.az-a verilən məlumata görə, Şeyxülislam Allahşükür Paşazadə bildirib ki, Uca Allahın yaratdığı ən müqəddəs dəyər olan insan həyatının qorunması məqsədi ilə ibadət məkanları müvəqqəti bağlıdır və pandemiya dövrünün məcburi təcrid tədbirləri səbəbindən müqəddəs Həcc ziyarəti belə təxirə salınıb.

BUNA DA BAX: DİN-dən Qurban bayramı xəbərdarlığı

QMİ sədri deyib ki, bu səbəbdən bayram namazı və qurbanlıq ibadəti ilə bağlı bu il üçün gündəmdə olan müəyyən özəl fərqliliklər nəzərə alınmalıdır: "Din xadimlərinə bildirilib ki, bu özəllikləri yerlərdə insanlara çatdırsınlar və Qurban bayramı günlərində imkansız, ehtiyacı olan insanlara maddi, mənəvi yardımın bəyənilən əməl olduğu hər yerdə təlqin edilsin".

Top