Azərbaycan Respublikasının ali təhsil müəssisələrində ali təhsilin bakalavriat (əsas (baza ali) tibb təhsili) səviyyəsində əyani formada təhsil alan, təhsildə yüksək nailiyyətləri olan 100 (yüz) nəfər tələbə üçün “Heydər Əliyev adına təqaüd” təsis edilib.
Heftelik.az-ın məlumatına görə, Prezident İlham Əliyev bu barədə müvafiq sərəncam imzalayıb.
Təsis edilən təqaüd Elm və Təhsil Nazirliyi tərəfindən Azərbaycan Respublikası dövlət büdcəsinin vəsaiti hesabına 3000 (üç min) manat məbləğində birdəfəlik veriləcək.
Nazirlər Kabineti bu Sərəncamdan irəli gələn məsələləri həll etməlidir.