2021-ci il 31 dekabr tarixinə Maliyyə Nazirliyinin Dövlət Neft Fonduna idarəetməyə verdiyi vəsait qalığı 1 108,0 mln. ABŞ dolları olub.
Heftelik.az-ın məlumatına görə, bu, Hesablama Palatasının “Azərbaycan Respublikasının Dövlət Neft Fondunun vəsaitlərinin formalaşdırılmasının və əsas istiqamətlər üzrə istifadəsinin auditi” üzrə aparılmış kənar dövlət maliyyə nəzarəti tədbirinin nəticələrinə dair auditor hesabatına əksini tapıb.
2022-ci il ərzində Fond tərəfindən Maliyyə Nazirliyinə xalis olaraq 641,7 mln. ABŞ dolları məbləğində vəsait köçürülüb. İl ərzində idarəetmədən 33,0 mln. ABŞ dolları məbləğində və ya 1,85% gəlir əldə olunması müşahidə edilib.
Cədvəl 21. Fondun yerləşdirilmiş vəsaitlərinin istiqamətlər üzrə gəlirliyi.
| Likvid fondlar/ depozit/cari hesab | 31.12.2022-ci il Tarixinə qalıq | 31.12.2021-ci il tarixinə qalıq | 31.12.2022-ci il üzrə gəlir/zərər | 31.12.2022-ci il üzrə gəlirlilik |
| BlackRock LF | – | 454 008 021 | 23 543 560 | 1,80 % |
| Deutsche Global Fund LF | 297 009 665 | 454 098 623 | 7 009 641 | 1,79 % |
| Citi depozit | 202 699 139 | 200 257 131 | 2 442 528 | 1,20 % |
| Mərkəzi Bankda cari hesab | 6 805 | 32 503 | – | – |
| Cəmi | 499 715 608 | 1 108 396 278 | 32 995 730 | 1,85% |