Peşə təhsili üzrə əmək bazarının tələblərinə uyğun hazırlanacaq təhsil proqramlarının (kurikulumların) sayı proqnozdan 1 ədəd və ya 6,7%, səriştəəsaslı modul tipli təlim proqramlarının əhatə etdiyi təhsilalanların sayı 170 nəfər və ya 17,0% az, peşə təhsilinin təkmilləşdirilmiş təhsil proqramlarına və tədris fənlərinə (inkişaf sahələrinə) uyğun hazırlanan dərsliklərin sayı 30 ədəd və ya 2,5 dəfə çox, çap edilən nüsxələrin sayı nəzərdə tutulduğundan 152300 nüsxə və ya 76,1% az olub.
Heftelik.az-ın məlumatına görə, bu, Hesablama Palatasının “Təhsil” xərcləri üzrə hazırlanmış ortamüddətli xərclər çərçivəsi sənədinə uyğun olaraq büdcə xərclərinin funksional təsnifatının “Təhsil” bölməsi üzrə 2021-2024-cü illər üçün icmallaşdırılmış fəaliyyət planı”nın icrasının təhlilində əksini tapıb.
Cədvəl 7. Peşə təhsili proqramı üzrə təhsilalanların peşə-ixtisas biliklərinin artırılması (Strateji hədəf 7), %
| Fəaliyyət və tədbir | Kassa xərci | Monitorinq göstəricisi | Monitorinq göstəricisinin icrası |
| Subproqram 3.3. Təhsilin məzmununun təkmilləşdirilməsi və tətbiqi | 99,7 | ||
| Peşə təhsili üzrə əmək bazarının tələblərinə uyğun təhsil proqramlarının (kurikulumların) hazırlanması | 99,9 | Hazırlanacaq proqram sayı | 93,3 |
| Peşə hazırlığı üzrə səriştəəsaslı modul tipli təlim proqramlarının hazırlanması | 99,9 | Səriştəəsaslı modul tipli təlim proqramlarının əhatə etdiyi təhsilalanların sayı | 83,0 |
| Peşə təhsilinin təkmilləşdirilmiş təhsil proqramlarına və tədris fənlərinə (inkişaf sahələrinə) uyğun dərsliklərin hazırlanması | 99,6 | Hazırlanan dərsiklərin sayı | 250,0 |
| Çap edilən nüsxələrin sayı | 23,9 |