“WhatsApp” messencerinin tərtibatçıları bir neçə yeni funksiyanı sınaqdan keçirirlər.
Heftelik.az-ın “WABetaInf” portalına istinadən verdiyi məlumata görə, “Android” istifadəçiləri üçün qrup çatlarında zəngləri planlaşdırmaq imkanı funksiyası sınaqdan keçirilib.
Bu funksiya ilə istifadəçilər həmkarları və ya dostları ilə konfrans üçün vaxt seçmək daha asan olacaq.
Eyni zamanda, “WhatsApp” mövzunu, tarixi təyin etməyə və zəng növünü (video və ya səs) seçməyə imkan verəcək. İştirakçılar zəngdən 15 dəqiqə əvvəl bildiriş alacaqlar.
Bununla yanaşı, messencer çoxsaylı hesablar arasında sürətli keçid funksiyasını sınaqdan keçirməyə başlayıb. Parametrlərdə yeni profil əlavə edə bilərsiniz.
“WhatsApp” istifadəçiləri üçün bu yeniliklər yaxın bir neçə ay ərzində əlçatan olacaq.