Təhlillə indikator göstəriciləri üzrə proqnozdan kurrikulumların hazırlandığı və tətbiq edildiyi fənlərin sayının 1 ədəd və ya 20,0%, hazırlanan dərsliklərin sayının 178 ədəd və ya 47,2% az, çap edilən nüsxələrin sayının 362867 nüsxə və ya 4,9% çox olduğu, nəzərdə tutulmuş 71 ədəd metodik materialın isə hazırlanmadığı müəyyən edilib.
Heftelik.az-ın məlumatına görə, bu, Hesablama Palatasının “Təhsil” xərcləri üzrə hazırlanmış ortamüddətli xərclər çərçivəsi sənədinə uyğun olaraq büdcə xərclərinin funksional təsnifatının “Təhsil” bölməsi üzrə 2021-2024-cü illər üçün icmallaşdırılmış fəaliyyət planı”nın icrasının təhlilində əksini tapıb.
Cədvəl 3. Ümumi təhsil proqramı üzrə təhsilalanların biliyinin artırılması (Strateji hədəf 3), %
| Fəaliyyət və tədbir | Kassa xərci | Monitorinq göstəricisi | Monitorinq göstəricisinin icrası |
| Subproqram 2.2. Ümumi təhsilin məzmununun təkmilləşdirilməsi və təbiqi | 99,5 | ||
| Ümumi təhsilin dövlət standartlarına əsasən fənn kurikulumlarının hazırlanması və tətbiqi | 100,0 | İl ərzində kurikulumların hazırlandığı və tətbiq edildiyi fənlərin sayı | 80,0 |
| Respublikanın ümumitəhsil məktəbləri şagirdlərinin pulsuz dərsliklərlə təmin olunması və metodiki vəsaitlərin alınması ilə bağlı xərclər | 100,0 | Hazırlanan dərsliklərin sayı | 52,8 |
| Çap edilən nüsxələrin sayı | 104,9 | ||
| Təhsilin məzmunu və qiymətləndirilməsi üzrə metodik tövsiyələrin hazırlanması | 0,0 | Hazırlanan metodik materialların sayı | 0,0 |
| Subproqram 2.3. Təhsilverənin peşəkarlığının artırılması | 99,0 | ||
| Təhsilverənlərin peşəkarlıq səviyyəsinin davamlı olaraq yüksəldilməsini təmin edən innovativ texnologiyalara əsaslanan ixtisasartırma təlimlərinin keçirilməsi | 100,0 | İxtisas artırma təlimlərində iştirak edən təhsilverənlərin sayı | 133,4 |
| Təhsilverənlər üçün informasiya – kommunikasiya texnologiyaları əsaslı təlim və stajkeçmə (mentorluq) xidmətlərinin təşkili | 100,0 | İl ərzində təlim və stajkeçmə xidmətlərində iştirak edən təhsilverənlərin sayı | 145,6 |
| Bakı şəhəri üzrə Təhsil idarəsi – Təlimə dəstək mərkəzlərinin fəaliyyəti | 97,1 | Fəaliyyət ilə məşğul olan işçi sayı | 103,0 |
| Metodkabinetlərin fəaliyyəti | 98,3 | Fəaliyyət ilə məşğul olan işçi sayı | 94,7 |
| Subproqram 2.4. Təhsilalanların biliyinin qiymətləndirilməsi | 99,9 | ||
| Respublika üzrə şagird nailiyyətlərinin qiymətləndirilməsi və monitorinqlərin keçirilməsi | 100,0 | Nailiyyətlərinin qiymətləndirildiyi şagirdlərin sayı | 102,0 |
| Ümumi təhsil müəssisələrində keyfiyyətin qiymətləndirilməsi ilə bağlı pilot layihənin həyata keçirilməsi | 99,9 | Layihənin həyata keçirildiyi ümumi təhsil müəssisələrinin sayı | 117,3 |