Müəyyən olunub ki, indikator göstəriciləri üzrə proqnozdan İslam Əməkdaşlıq Təşkilatına və Qoşulmama Hərəkatına üzv dövlətlərin vətəndaşlarına Azərbaycan Respublikasının ali təhsil müəssisələrində təhsil almaları üçün təhsil qrantlarının verilməsi üzrə tələbələrin sayı 5 nəfər və ya 11,1%, tələbə krediti alan təhsilalanların sayı 12883 nəfər və ya 51,5%, dövlət sifarişi üzrə və dövlət hesabına kadr hazırlığının maliyyələşdirilməsi üçün təqaüd xərcləri çərçivəsində təqaüd alan tələbələrin sayı 7198 nəfər və ya 6,8% az olub.
Heftelik.az-ın məlumatına görə, bu, Hesablama Palatasının “Təhsil” xərcləri üzrə hazırlanmış ortamüddətli xərclər çərçivəsi sənədinə uyğun olaraq xərclərinin funksional təsnifatının “Təhsil” bölməsi üzrə 2021-2024-cü illər üçün icmallaşdırılmış fəaliyyət planı”nın icrasının təhlilində əksini tapıb.
Cədvəl 10. Ali təhsil proqramı üzrə təhsilalanlara dövlət dəstəyinin göstərilməsi (Strateji hədəf 14), %
| Fəaliyyət və tədbir | Kassa xərci | Monitorinq göstəricisi | Monitorinq göstəricisinin icrası |
| Subproqram 5.5. Ali təhsil proqramı üzrə təhsilalanlara dövlət dəstəyi | 100,0 | ||
| İslam Əməkdaşlıq Təşkilatına və Qoşulmama Hərəkatına üzv dövlətlərin vətəndaşlarına Azərbaycan | 100,0 | Tələbələrin sayı | 88,9 |
| Respublikasının ali təhsil müəssisələrində təhsil almaları üçün təhsil qrantlarının verilməsi ilə bağlı xərclər | |||
| Azərbaycan Respublikası Təhsil Tələbə Krediti Fondu | 100,0 | Tələbə krediti alan təhsilalanların sayı | 48,5 |
| Dövlət sifarişi üzrə və dövlət hesabına kadr hazırlığının maliyyələşdirilməsi üçün təqaüd xərcləri | 100,0 | Təqaüd alan tələbələrin sayı | 93,2 |