Türkiyənin “Adana Demirspor” klubuna transfer olunan “Qarabağ”ın qapıçısı Şahruddin Məhəmmədəliyev paylaşım edib.
Heftelik.az-ın məlumatına görə, Şahruddin Məhəmmədəliyev İnstagram-da paylaşımında Ağdam klubunun çalışdırıcısı Qurban Qurbanova təşəkkürünü çatdırıb.
Ş.Məhəmmədəliyev təcrübəli məşqçiyə bunları yazıb: “Mənə qarşı xoş münasibətinizi və əvəzsiz əməyinizi ifadə etməyə söz tapa bilmirəm. Hər şey üçün çox sağ olun, hoca. Allah sizdən razı olsun”.
Qeyd edək ki, Şahruddin Məhəmmədəliyev bu gün yeni klubunun düşərgəsinə qoşulacaq.
