Paketlərin sayı 1000-dən çox olmayan partiyalarda paketləşdirilmiş (qablaşdırılmış) toxumlara baxış zamanı götürüləcək paketlərin miqdarının necə təyin olunduğu açıqlanıb.
Heftelik.az-ın məlumatına görə, bu, “Bitki və bitkiçilik məhsullarının xüsusiyyətlərindən asılı olaraq, ətraflı fitosanitar karantin baxışı və ekspertiza üçün nümunələrin götürülməsi və laboratoriyaya göndərilməsinə dair Təlimat”da əksini tapıb.
Paketlərin sayı 1000-dən çox olmayan partiyalarda paketləşdirilmiş (qablaşdırılmış) toxumlara baxış zamanı götürüləcək paketlərin miqdarı aşağıdakı kimi olmalıdır:
| Paketdə toxumun çəkisi, kq | Seçilən paketlər (%), lakin 10 ədəddən az olmamaqla |
| 0.1-ə qədər | 2.0 |
| 0.2-dən 0.5- qədər | 1.5 |
| 0.6-dan 1.0- qədər | 1.0 |
| 1.1-dən 3.0- qədər | 1.0 |
| 3.1-dən 10.0- qədər | 1.0 |
1000-dən çox paket olan partiyalardan hər növbəti miqdarın 0,5%-i qədər əlavə nümunə götürülür. Bu halda seçimə düşən hər bir paketin içərisindəki bütün toxumlar nöqtəvi nümunələr hesab olunur.