Qurudulmuş meyvə, tərəvəz və kökümeyvəlilərdən nümunə götürülməsi aşağıdakı tələblərə uyğun həyata keçirilir:
Heftelik.az-ın məlumatına görə, bu, “Bitki və bitkiçilik məhsullarının xüsusiyyətlərindən asılı olaraq, ətraflı fitosanitar karantin baxışı və ekspertiza üçün nümunələrin götürülməsi və laboratoriyaya göndərilməsinə dair Təlimat”da əksini tapıb.
Qurudulmuş meyvə, tərəvəz və kökümeyvəlilərdən nöqtəvi nümunələrin götürülməsi aşağıdakı cədvələ əsasən tənzimlənir, götürülən bağlama vahidlərinin miqdarı partiyanın həcmindən asılıdır:
| Partiyada olan bağlama vahidlərinin sayı, ədədlə | Götürülən bağlama vahidlərinin sayı, ədədlə |
| 25-ə qədər | 2 |
| 26-90 | 3 |
| 91-150 | 5 |
| 151-500 | 8 |
| 501-1200 | 13 |
| 1200-dən çox | 13 və hər sonrakı 100 bağlama vahidi üçün əlavə 1 bağlama vahidi |
Nümunə götürülən hər bağlama vahidinin üst, orta və alt qatlarından xırda meyvəli və doğranmış meyvələr üçün 100 qramdan; iri meyvə və tərəvəzlər üçün 200 qramdan; qarışıq məhsullardan 200 qramdan az olmamaqla nümunə götürülməlidir.