Bostan bitkilərindən nümunə götürülməsinə dair tələblər açıqlanıb.
Heftelik.az-ın məlumatına görə, bu, “Bitki və bitkiçilik məhsullarının xüsusiyyətlərindən asılı olaraq, ətraflı fitosanitar karantin baxışı və ekspertiza üçün nümunələrin götürülməsi və laboratoriyaya göndərilməsinə dair Təlimat”da əksini tapıb.
Bostan bitkiləri bağlama vahidlərində (konteynerlər, qəfəslər və s.) nəql olunduqda, onda partiyanın müxtəlif yerlərindən aşağıdakı miqdarda bağlama vahidləri seçilir:
| Partiyada olan bağlama vahidlərinin sayı, ədədlə | Seçilən bağlama vahidlərinin sayı, ədədlə |
| 10-a qədər | 1 |
| 11-20 | 2 |
| 21-50 | 3 |
| 51-100 | 5 |
| 100-dən çox | 5 və hər sonrakı 50 bağlama vahidi üçün əlavə 1 bağlama vahidi |
Seçilən bağlama vahidlərində olan məhsula yerindəcə tam fitosanitar karantin baxışı keçirilir.
Bostan bitkiləri tarasız daxil olduğu halda, ilkin nümunə qalağın müxtəlif yerlərindən götürülərək (3-dən az olmamaq şərti ilə) formalaşdırılır.