Noyabr 27-də saat 01 radələrində Gəncə şəhər sakini 2001-ci il təvəllüdlü Pəri Allahverdi-Zadənin yaşadığı evdə ölməsi barədə Gəncə şəhər prokurorluğuna məlumat daxil olub.
Prokurorluqdan Heftelik.az-a verilən məlumata görə, araşdırmalarla 2001-ci il təvəllüdlü Əli Allahverdi-Zadənin aralarında yaranmış mübahisə zamanı Pəri Allahverdi-Zadəyə bıçaqla xəsarət yetirərək onu qəsdən öldürməsinə əsaslı şübhələr müəyyən edilib.
Faktla bağlı Gəncə şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanıb, Əli Allahverdi-Zadə iş üzrə şübhəli şəxs qismində tutulub.
Hazırda ibtidai istintaq davam edir.
****
Saat 03.44
Gəncədə qətl hadisəsi baş verib.
Heftelik.az-ın APA-ya istinadən veerdiyi məlumata görə, hadisə şəhərin Eminbəyli küçəsində qeydə alınıb.
Qardaş bıçaqla bacısını qətlə yetirib.
Gəncə Şəhər Baş Polis İdarəsinin əməkdaşlarının keçirdikləri əməliyyat-axtarış tədbirləri nəticəsində şəhər sakini, Pəri Allahverdizadəni kəsici-deşici alətlə qətlə yetirməkdə şübhəli bilinən, onun qardaşı Əli Allahverdizadə saxlanılaraq istintaqa təhvil verilib.
Əli Allagverdizadə hərbçidir. Qardaş bacısını instaqramdan istifadə etdiyi üçün bıçaqlayıb.