Vakant yerlərə yerləşdirmə namizədlərin elektron ərizədə qeyd etdikləri seçim ardıcıllığı gözlənilməklə topladıqları bala əsasən sistem tərəfindən aparılır.
Heftelik.az-ın məlumatına görə, bu, “Müəllimlərin işə qəbulu və yerdəyişməsi Qaydaları”nda əksini tapıb.
Bir vakant yerə iki və daha artıq sayda eyni bal toplamış namizəd olduqda aşağıdakı ardıcıllıqla əlavə göstəricilər nəzərə alınır:
– ümumtəhsil proqramı üzrə toplanılan bal;
– təhsil məlumatları (təhsil səviyyəsi, elmi dərəcəsi);
– ali və ya orta ixtisas təhsilini fərqlənmə ilə bitirmə;
– pedaqoji staj.
Vakant yerləri tutan namizədlər müsahibəyə buraxılır.