AzDTN 2.12-2-yə müvafiq havalandırma sistemi yerləşgələrdə havanın təmizliyini (keyfiyyətini) və onun müntəzəm daxil olmasını və paylanmasını təmin etməlidir.
Heftelik.az-ın məlumatına görə, bu, “Fərdi yaşayış evləri. Layihələndirmə normaları”nda əksini tapıb.
Havalandırma aşağıdakı kimi həll edilə bilər:
– havalandırma kanalları ilə havanın təbii yolla xaric edilməsi;
– mexaniki yolla havanın daxil edilməsi və xaric edilməsi, o cümlədən hava ilə isitmə sistemi ilə birləşdirilmiş;
– təbii axınla havanın verilməsi və qismən mexaniki yolla havalandırma kanalları vasitəsilə xaric edilməsi üzrə kombinasiya edilmiş.