Valyuta əməliyyatları barədə vahid sisteminə Azərbaycan Respublikasından kənara xarici valyutanın köçürülməsi əməliyyatlarına dair hansı məlumatların daxil edilməli olduğu açıqlanıb. Heftelik.az-ın məlumatına görə, bu, “Valyuta əməliyyatları barədə vahid informasiya sistemi haqqında Əsasnamə”də əksini tapıb.
İnformasiya sisteminə Azərbaycan Respublikasından kənara xarici valyutanın köçürülməsi əməliyyatlarına dair aşağıdakı məlumatlar daxil edilir:
– əməliyyatın icra saatı və tarixi;
– valyutanı köçürən valyuta nəzarəti agentinin və onun struktur bölməsinin adı və ünvanı;
– əməliyyatın təyinat ölkəsi;
– vəsait alanın adı;
– vəsaiti köçürən şəxsin hesab nömrəsi (köçürmə hesab vasitəsilə həyata keçirildikdə);
– əməliyyatın məbləği və valyutası;
– əməliyyatın kanalı (SWIFT/sürətli pul köçürmə sistemi (adı göstərilməklə)/ digər (əlavə məlumat verilməklə);
– Qaydaların əməliyyatın aparılması əsasını müəyyən edən müvafiq struktur elementi;
– əməliyyatın aparılmasına əsas verən təsdiqedici sənədlərin adı, tarixi, nömrəsi;
– əməliyyatın təyinatı;
– əməliyyatın unikal istinad nömrəsi.