Kriminal aləmdə “Lotu Quli” ləqəbi ilə tanınan Nadir Səlifovun qətlində təqsirləndirilən Xaqan Zeynalov (Xan Əhmədlinski) və digərlərin məhkəmə prosesi başa çatıb.
Heftelik.az-ın Türkiyə mətbuatına istinadən verdiyi məlumata görə, Xaqan Zeynalov və Əmir Həmidli ömürlük, Əli Mövlamlı və Rəsul Həsənov isə hər biri 12 il 6 ay müddətinə azadlıqdan məhrum ediliblər.
Qeyd edək ki, “Lotu Quli” ləqəbli Nadir Səlifov 2020-ci ildə Türkiyənin Antalya şəhərində qətlə yetirilib.
Hökmdə bu iş üzrə həbs edilmədən mühakimə olunan Cəmil Keleş, Erkan Aşan, Ümid Nəcəfov və N.A. Onun barəsində bəraət hökmü çıxarılıb. Hadisə ilə bağlı axtarışda olan və hələ də tutulmayan Cəfər Əlizadə, Namiq Canıyev (Rövşən Lənkəranskinin qardaşı) Xanimnisə Məmmədova və Camal Həsənovun cinayət işinin icraatı isə ayrılıb.
Camal Həsənov bir müddət əvvəl Bakı Ağır Cinayətlər Məhkəməsinin hökmü ilə 19 il müddətinə azadlıqdan məhrum edilib.