Hacı Əliyev Paris-2024 Olimpiya Oyunlarına lisenziya qazanıb.
Heftelik.az-ın məlumatına görə, üçqat dünya çempionumuz buna Bakıda keçirilən güləş üzrə Avropa Olimpiya Təsnifat Turnirində imza atıb.
O, Həmzət Arsamerzoyevə (Fransa) 5:2, ardınca Niurqun Skriabinə (AİN) 4:2 hesabı ilə qalib gələrək yarımfinalda İslam Dudayevlə (Albaniya) qarşılaşıb. 65 kq çəkidə çıxış edən Əliyev həlledici qarşılaşmanı da aktivinə yazıb. O, 0:3 hesabı ilə geridə olsa da, rəqibini 6:3 hesabı ilə məğlub edib. Bu qələbə Hacıya olimpiya lisenziyası qazandırıb.