Müsabiqənin və müsahibənin keçirilməsi və namizədlərin təyinatına dair təkliflərin verilməsi üçün Dövlət Miqrasiya Xidmətinin aparatında yaradılan Komissiya üzvlərinin hüquqları müəyyənləşib.
Heftelik.az-ın məlumatına görə, bu, “Miqrasiya orqanlarına qulluğa qəbul olunmaq üçün namizədlərlə müsabiqə və müsahibənin keçirilməsi Qaydaları”nda əksini tapıb.
Komissiya üzvlərinin aşağıdakı hüquqları var:
– komissiyanın səlahiyyətlərinə aid məsələlərin həllində iştirak etmək və təkliflər vermək;
– komissiyanın iclasının aparılmasına dair fikirlərini bildirmək, suallar vermək;
– komissiyanın qərar, protokol və digər sənədləri ilə tanış olmaq;
– qəbul edilməsi təklif olunan qərara dair fikir söyləmək;
– qəbul edilməsi təklif olunan qərarın lehinə və ya əleyhinə səs vermək, qərarla razılaşmadıqda xüsusi rəy vermək.