Sumqayıtda üçü uşaq olmaqla bir ailənin dörd üzvü zəhərlənib.
Heftelik.az-ın APA-ya istinadən verdiyi məlumata görə, hadisə şəhərin 13-cü mikrorayon ərazisində qeydə alınıb.
Belə ki, 1983-ci il təvəllüdlü İsgəndərova Sevgül Əllədin qızı yaşadığı mənzildə dərman vasitəsi ilə üç uşağını zəhərləyib.
Daha sonra o özü də həmin həbləri qəbul edərək zəhərlənib.
Zəhərlənən uşaqlar 2007-ci il təvəllüdlü N. Süleymanova, 2016-ci il təvəllüdlü N. Süleymanov və 2017-ci il təvəllüdlü Y. Süleymanov o cümlədən anası S.İsgəndərova Kliniki Tibbi Mərkəzin Toksikologiya Şöbəsinə yerləşdiriliblər.
Ananın vəziyyəti qənaətbəxş olsa da, azyaşlılar xəstəxananın reanimasiya şöbəsinə yerləşdiriliblər.
Son məlumata görə, artıq ana və onun üç uşağının vəziyyəti qənaətbəxşdir, evə buraxılıblar.
Faktla bağlı araşadırma aparılır.