İsrailin Baş naziri Benyamin Netanyahu hərbi kabineti buraxdığını elan edib.
Heftelik.az-ın “Times of Israel”ə istinadən verdiyi məlumata görə, Benyamin Netanyahu bildirib ki, Benni Qants kabineti tərk etdiyi üçün bu strukturun fəaliyyətinə də ehtiyac qalmayıb.
Ehtimal olunur ki, hökumət başçısı sözü gedən hərbi kabineti daha geniş tərkibdə yenidən formalaşdıracaq.
Qeyd edək ki, bu struktur ötən il oktyabrın 11-dən etibarən HAMAS ilə mübarizə məqsədləri üçün yaradılmışdı.