Notarius sübutların təmin olunması qaydasında şahidin dindirilməsi haqqında protokol tərtib edir.
Heftelik.az-ın məlumatına görə, bu, Notariat hərəkətlərinin aparılması qaydaları haqqında Təlimatda əksini tapıb.
Protokolda aşağıdakılar göstərilir:
– dindirmə tarixi, dindirməni aparan notariusun soyadı, adı, atasının adı, notariusun fəaliyyət göstərdiyi ərazi;
– dindirmədə iştirak edən şəxslərin soyadı, adı və atasının adı;
– şahidin soyadı, adı və atasının adı, anadan olduğu il, yaşadığı yer;
– bilə-bilə yalan ifadə verməyə görə və ifadə verməkdən imtina etməyə görə məsuliyyət barədə xəbərdarlıq edilməsi haqqında qeyd;
– şahidin ifadəsinin məzmunu (ona verilmiş suallar və onlara cavablar).
Protokol şahid, dindirmədə iştirak etmiş şəxslər və notarius tərəfindən imzalanır.