Atası və anası ard-arda vəfat etdi. Anası xərçəng xəstəliyindən əziyyət çəkirdi, atası isə infarkt keçirdi. Bundan sonra Tsurtsumiyanın həyatı tərsinə döndü.
Heftelik.az-ın məlumatına görə, bunu Report-a açıqlamasında Azərbaycanın yunan-Roma güləşçisi Eldəniz Əzizli gürcüstanlı həmkarı Nuqzari Tsurtsumiyanın 27 yaşında intihar etməsi barədə danışarkən deyib.
O, gürcü güləşçi ilə dəfələrlə rəqib olmasına baxmayaraq, yaxşı münasibət saxladıqlarını vurğulayıb:
“Rəqib olmağımıza baxmayaraq, həmişə münasibətimiz yaxşı olub. Rəqibliyimiz həmişə xalça üzərində qalıb. Xalçadan kənarda mehriban olmuşuq. Xaricdə, Gürcüstanda keçirilən təlim-məşq toplanışında görüşürdük. Sonuncu dəfə 20 gün əvvəl görüşmüşdük. Son zamanlarda problemləri var idi. Atası və anası ard-arda vəfat etdi. Anası xərçəng xəstəliyindən əziyyət çəkirdi, atası isə infarkt keçirdi. Bundan sonra həyatı tərsinə döndü”.
Milli üzvü gürcü həmkarının sağlamlığında problemin olmadığını bildirib:
“Sağlamlığında hər hansı problem yox idi. Yəni narkotik aludəçiliyi, başqa problemləri yox idi. Həyatdı, ağlına nə gəlibsə, gedib özünü asıb”.