Binəqədidə 2 nəfər bıçaqlanıb.
Heftelik.az-ın APA-ya istinadən verdiyi məlumata görə, hadisə Biləcəri qəsəbəsində qeydə alınıb.
Yaşadıqları evin yaxınlığında yerləşən kafenin qarşısında tanımadıqları şəxs tərəfindən aralarında yaranmış mübahisə zamanı 1990-cı il təvəllüdlü Alışov Pərviz Ağaverdi oğlu və 1999-cu il təvəllüdlü Mirzəyev Elcan Şahüseyin oğlu bıçaqlanıb.
DİN-in Mətbuat xidmətinin əməkdaşı, polis leytenantı Elbrus İbrahimov Heftelik.az-a bildirilib ki, İyulun 25-i axşam saatlarında Binəqədi rayonu Biləcəri qəsəbəsi ərazisində 1999-cu il təvəllüdlü E.Mirzəyev və 1990-cı il təvəllüdlü P.Alışovun bıçaq xəsarətləri ilə xəstəxanaya yerləşdirilməsi barədə məlumat daxil olub. Polis əməkdaşları tərəfindən həyata keçirilən tədbirlər nəticəsində hadisəni törədən 2002-ci il təvəllüdlü P.İmanov saxlanılaraq istintaqa təqdim edilib.
Araşdırmalar Binəqədi Rayon Polis İdarəsində davam etdirilir.