Sentyabrın 1-də keçiriləcək parlament seçkilərində növbəti dəfə namizədliyi irəli sürülən qocaman deputatlardan biri də Azərbaycan Həmkarlar İttifaqı Konfederasiyasının sədri Səttar Möhbalıyevdir. Xəbər verildiyi kimi, beşinci dəfə deputat olmağa hazırlaşan Möhbalıyev yenə 3 saylı Babək-Kəngərli-Naxçıvan seçki dairəsi üzrə namizəddir.
Heftelik.az “AzPolitika”-ya istinadən verdiyi məlumata görə, bu dəfə deputatlıqla paralel digər vəzifə, yaxud vəzifələr daşıyan millət vəkilləri qarşısında “ya deputatlıq, ya vəzifə” seçimi qoyulduğundan Səttar Möhbalıyev AHİK sədrliyindən getmək məcburiyyətində qalıb. Bunun üçün gələn ayın sonuna qədər AHİK-in növbədənkənar qurultayının keçiriləcəyi, Möhbalıyevin istefasının qəbul olunacağı və yeni sədrin seçiləcəyi gözlənilir.