Ağstafada bir nəfər Kür çayında batıb.
Heftelik.az-ın APA-ya istinadən verdiyi məlumata görə, hadisə Kür çayının rayonun Saloğlu kəndindən keçən hissəsində qeydə alınıb.
Batan şəxsin Saloğlu kənd sakini 1967-ci il təvəllüdlü R.Şıxıyev olduğu bildirilir.
Əraziyə FHN-in dalğıc-axtarış qrupu cəlb olunub.
Fövqəladə Hallar Nazirliyindən (FHN) Heftelik.az-a verilən məlumata görə, nazirliyin “112” qaynar telefon xəttinəKür çayının Ağstafa rayonu, Saloğlu qəsəbəsindən keçən hissəsində 1 nəfərin batması barədə məlumat daxil olub. Məlumatla əlaqədar FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunublar.
Əlavə məlumat veriləcək.