İranda içərisində 53 pakistanlı zəvvarın olduğu avtobus aşıb.
Heftelik.az-ın “Arab News”-a istinadən verdiyi məlumata görə, İranın Yəzd vilayətindəki sərhəd-keçid məntəqəsi yaxınlığında baş verən hadisə nəticəsində 35 nəfər ölüb, 18 nəfər yaralanıb.
Yaralılar yaxınlıqdakı xəstəxanaya çatdırılıb.
Əraziyə xilasedicilər və polis əməkdaşları cəlb edilib.
İlkin versiyaya əsasən, qəzaya nəqliyyat vasitəsinin əyləc sistemində yaranmış problem səbəb olub.