Bu gün “Vətən Müharibəsi Qəhrəmanı”, ehtiyatda olan mayor Zaur Hüseynovun doğum günüdür.
“Heftelik.az”-ın məlumatına görə, o, 26 avqust 1987-ci ildə Salyan rayonunda anadan olub. Zaur Hüseynov Füzuli, Cəbrayıl, Xocavənd rayonlarının, Şuşa şəhərinin azad olunması uğrunda aparılan döyüş əməliyyatlarında iştirak edib. Şuşa şəhərinin müdafiəsinin təşkilində xüsusilə fərqlənib.
Mayor Z.Hüseynov Azərbaycan Respublikasının ərazi bütövlüyünün bərpa edilməsi zamanı döyüş əməliyyatlarına yüksək peşəkarlıqla rəhbərlik etməsinə, düşmənin canlı qüvvəsinin və döyüş texnikasının məhv edilməsində fədakarlıq və rəşadət göstərməsinə, vəzifə borcunu ləyaqətlə və vicdanla yerinə yetirməsinə görə müxtəlif orden və medallarla təltif olunub.
Bundan başqa o, ölkə başçısının müvafiq sərəncamı ilə Heydər Əliyevin 100 illiyi (1923–2023)” yubiley medalı ilə də təltif olunub.
