İrəvan və Bakı sülh sazişi layihəsi üzrə 16 bənddən 13-nü tam, 3-nü isə qismən razılaşdırıblar.
Heftelik.az-ın məlumatına görə, bunu Ermənistanın xarici işlər naziri Ararat Mirzoyan bildirib.
Mirzoyanın sözlərinə görə, tərəflərin bu sənədi ən qısa müddət ərzində imzalaması üçün imkan var.
Ermənistanın XİN başçısı qeyd edib ki, bu addım Cənubi Qafqazda uzunmüddətli sabitlik üçün səhifə açacaq.
“Hesab edirik ki, sülh müqaviləsinin ən qısa müddətdə imzalanması və regionda uzunmüddətli sabitlik səhifəsinin açılması üçün real imkan mövcuddur”, – Mirzoyan əlavə edib.
***
saat 14.42
Ermənistan sülh sazişinin tam razılaşdırılmış layihəsini Azərbaycan tərəfinə təqdim edib.
Heftelik.az-ın TASS-a istinadən verdiyi məlumata görə, bunu Ermənistanın xarici işlər naziri Ararat Mirzoyan deyib.
XİN rəhbəri İrəvanın Bakıdan cavab gözlədiyini qeyd edib.