Ağdamda 55 yaşlı kişini ilan sancıb.
Heftelik.az-ın APA-ya istinadən verdiyi məlumata görə, hadisə rayonun Həsənxanlı kəndi ərazisində baş verib. Kənd sakini 1969-cu il təvəllüdlü Əbdürrəhimov Səfər Sərdar oğlunu kənd ərazisində əkin sahəsində soğan yığarkən ayağından ilan sancıb.
Səfər Əbdürrəhimov Tərtər Mərkəzi Rayon Xəstəxanasına çatdırılıb, ona zərdab vurulub. Vəziyyətinin stabil olduğu deyilir.