Hindistanın şimalındakı Uttar-Pradeş ştatında 11 yaşlı məktəb şagirdi dini ayin zamanı qətlə yetirilib.
Heftelik.az-ın xəbərinə görə, bu barədə “Hindustan Times” məlumat yayıb.
Bildirilib ki, bu cinayət xarakterli addım məktəbin sahibinin göstərişi ilə həyata keçirilib. Bu məqsədlə o öz oğlu və məktəbin müəllimləri ilə birlikdə hədəf seçilən şagirdi oğurlayaraq kimsəsiz yerə aparıblar
Həmin şəxslər azyaşlını boğduqdan sonra onun başını kəsiblər.
Ştat polisi faktla bağlı 5 nəfəri həbs edib. Onların arasında məktəbin direktoru və iki müəllimi də var.
İlkin ifadəsində onlar bu cinayəti həmin “təhsil ocağının” daha da inkişafı və çiçəklənməsi məqsədilə törətdiklərini bildiriblər.