Hizbullah Hərəkatının İsrailin şimalında Binyamin rayonunda hərbi hissəyə pilotsuz uçuş aparatı (PUA) ilə zərbə endirməsi nəticəsində 4 əsgər ölüb.
Heftelik.az-ın xəbərinə görə, bu barədə İsrail Ordusu məlumat yayıb.
Qeyd edilib ki, PUA hücumu nəticəsində 7-i ağır, 9-u orta-ağır olmaqla 51 hərbçi yaralanıb.
Hərbi hissəni hədəf alan PUA-nın uçuş məsafəsi 120 km, maksimal sürəti saatda 370 km, daşıdığı partlayıcı maddə 40 kq-a qədər olub.
***
13 oktyabr, saat 23.27
Hizbullah Hərəkatının pilotsuz uçuş aparatı (PUA) ilə zərbə endirdiyi İsrailin şimalındakı Binyamin rayonunda hərbi hissədə əsas hədəfi İsrail ordusunun Baş Qərargah rəisi Herzi Halevi olub.
Heftelik.az-ın Türkiyənin NTV telekanalına istinadən verdiyi məlumata görə, İsrail yaralılar arasında Herzi Halevinin olib-olmadığı barədə rəsmi açıqlama verməyib.
Qeyd edək ki, İsrail tərəfinin rəsmi açıqlamasına görə, PUA ilə hərbi hissənin yeməkxanasına endirilən zərbə nəticəsində 4-ü çox ağır, 5-i ağır, 14-ü orta ağır olmaqla, 67 hərbçi yaralanıb.
***
13 oktyabr, saat 22.59
Hizbullah Hərəkatının İsrailin şimalında Binyamin rayonunda hərbi hissəni hədəf alıb.
Heftelik.az-ın xəbərinə görə, hava hücumundan müdafiə sistemindən yayınan bir pilotsuz uçuş (PUA) ilə hərbi hissənin yeməkxanasına zərbə endirilib.
Nəticədə 4-ü çox ağır, 5-i ağır, 14-ü orta ağır olmaqla, 67 hərbçi yaralanıb.
***
13 oktyabr, saat 22.24
Hizbullah Hərəkatının İsrailin şimalında Binyamin rayonuna pilotsuz uçuş aparatı (PUA) ilə zərbə endirməsi nəticəsində yaralıların sayı 67 nəfərə çatıb.
Heftelik.az-ın xəbərinə görə, bu barədə “The Times of Israel” məlumat yayıb.
Yaralılardan 4-nün durumu çox ağır, 5-i ağır, 14-ü orta-ağırdır.
***
13 oktyabr, saat 22.19
Hizbullah Hərəkatının İsrailin şimalında Binyamin rayonuna pilotsuz uçuş aparatı (PUA) ilə zərbə endirməsi nəticəsində yaralıların sayı 53-ə çatıb.
Heftelik.az-ın xəbərinə görə, bu barədə İsrail Ordusu məlumat yayıb.
Yaralılardan 4-nün durumu çox ağır, 5-i ağırdır.
***
13 oktyabr, saat 22.09
Livandaki Hizbullah Hərəkatı İsrailin şimalına pilotsuz uçuş aparatı (PUA) ilə zərbə endirib.
Heftelik.az-ın “The Jerusalem Post”-a istinzdən verdiyi məlumata görə, 3 PUA-dan 1-i hava hücumundan müdafiə sistemlərindən yayınıb.
Binyamin rayonuna PUA zərbəsi nəticəsində ən azı 40 nəfər yaralanıb.
Yaralılardan 3-nün durumu çox ağır, 4-ü ağır, 14-ü orta-ağırdır.