Türkiyə Prezidenti Rəcəb Tayyib Ərdoğan Türk Aerokosmik Sənayesinə (TUSAŞ) hücumu pisləyib.
Heftelik.az-ın məlumatına görə, hücum zamanı həyatını itirənlərə rəhmət, yaralıların isə tezliklə sağalmasını diləyib.
Ərdoğan hücum zamanı 4 nəfərin öldürüldüyünü bildirib.
Rusiya prezidenti Vladimir Putin də həmkarı R. T. Ərdoğanla görüşündə terror aktını pisləyərək başsağlığı verib.
***
Saat 19.05
Ankarada terror aktı nəticəsində 3 nəfər ölüb, 14 nəfər yaralanıb.
Heftelik.az-ın məlumatına görə, bu barədə Türkiyənin daxili işlər naziri Əli Yerlikaya bildirib.
***
Saat 18.47
Ankaranın Kahramankazan rayonunda yerləşən Türk Aviasiya və Kosmik Sənaye Şirkətində (TUSAŞ) hücumu həyata keçirən 3 terrorçudan ikisi zərərsizləşdirilib.
Heftelik.az-ın məlumatına görə, digər terrorçunun zərərsizləşdirilməsi istiqamətində polis xüsusi təyinatlıları əməliyyatı davam etdirir.
Türkiyə Respublikası Baş Prokurorluğu terror aktı ilə bağlı araşdırma başladıb.
***
Saat 17.49
Ankaranın Kahramankazan rayonunda Türk Təyyarə Sənayesi Anonim Ortaqlığı (TUSAŞ) obyektinin qarşısında silahlı hücum olub.
Heftelik.az-ın xəbərinə görə, bu barədə yerli media məlumat yayıb.
“SABAH” qəzetinin məlumatına görə, yerli vaxtla saat 15:20 radələrində girişdə kamikadze hücumu həyata keçirilib.
Atışma davam edir.
Türkiyə daxili işlər naziri Əli Yerlikaya “X” platformasında terror hadisəsinin baş verdiyini, ölən və yaralananların olduğunu vurğulayıb.