Yanvarın 14-ü bəzi dağlıq rayonlarda qar yağması gözlənilir.
Bu barədə Milli Hidrometeorologiya Xidmətindən “Heftelik.az”a məlumat verilib.
Bakı və Abşeron yarımadasında hava şəraiti dəyişkən buludlu keçəcək. Ətraf bölgələr və rayonlarda isə hava əsasən yağmursuz olacaq.
Şimal-qərb küləyi gündüz bəzi yerlərdə arabir güclənəcək.
Havanın temperaturunun gecə 2-6° isti, gündüz 7-9° isti, Atmosfer təzyiqinin normadan yüksək 768 mm civə sütunu təşkil edəcəkdir. Nisbi rütubət isə 70-80 % olacaq.
Müəllif: Türkan_zadə