Bakı-Qazax yolunun Ucar ərazisində yük və minik avtomobillərinin zəncirvari yol qəzası baş verib.
Həftəlik.az “Qafqazinfo” ya istinadən xəbər verir ki, hadisə Ucarın Alpout kəndi ərazisində qeydə alınıb.
Hadisə 2 “Opel”, 3 “KamAZ” və 1 “Mercedes” markalı maşının toqquşması nıticəsində olub. Qəza zamanı maşınlar ciddi ziyan görüb. Nəticədə Tovuz rayon sakini 1998-ci il təvəllüdlü Məhəmməd Nizami oğlu İsmayılov xəsarət alıb və Ucar rayon Mərkəzi Xəstəxanasına yerləşdirilib.
Qəzanın dumanlı hava şəraitinə görə baş verməsi ehtimal olunur.
Hazırda faktla bağlı araşdırmalar aparılır.