Qəzzada atəşkəs yerli vaxtla saat 11.15-də qüvvəyə minib.
Heftelik.az-ın məlumatına görə, İsrail Baş nazirinin ofisi Qəzzada atəşkəs razılaşmasının yerli vaxtla saat 11.15-də qüvvəyə mindiyini açıqlayıb.
Qətər də Qəzzada atəşkəsin başladığını təsdiqləyib.
Qeyd edək ki, Qəzza zolağında atəşkəsə dair razılaşma bu gün yerli vaxtla saat 08.30-da qüvvəyə minməli olsa da, saat 11.15-ə təxirə salınıb. HAMAS tərəfindən azad ediləcək girovların siyahısı təqdim edilmədiyi üçün İsrail Baş naziri Binyamin Netanyahu Orduya HAMAS-a zərbələri davam etdirmək göstərişi verib. Siyahının texniki səbəblərdən gecikdiyini açıqlayan HAMAS-ın siyahını təqdim etməsindən sonra saat 11.15-də Qəzza zolağında atəşkəs qüvvəyə minib.
Beləliklə, HAMAS bu gün 3 israilli qadın girovu – 23 yaşlı Romy Gonen, 28 yaşlı Emily Damari və 31 yaşlı Doron Steinbrecheri azad edəcək.