Xüsusi saxlanma şəraitləri tələb edən dərman vasitələrinə dair müvafiq saxlanma təlimatları olmalıdır.
Heftelik.az-ın məlumatına görə, bu, “Dərman vasitələrinin istehsalına, daşınmasına və saxlanmasına dair tələblər”də əksini tapıb.
Əgər hər hansı göstəriş yoxdursa (məs. daima soyuq zəncir saxlanmalı) təyin olunan şəraitdən kənaraçıxmaya yalnız qısa müddətli daşınma zamanı yol verilir.
Aşağıda göstərilən saxlanma şəraitlərinə dair markalanmaların istifadəsi tövsiyə olunur:
| Markalanmada | Mənası |
| +30°C-dən yuxarı temperaturda saxlanmamalı | +2°C-dən +30°C-yə qədər temperaturda saxlanmalı |
| +25°C-dən yuxarı temperaturda saxlanmamalı | +2°C-dən +25°C-yə qədər temperaturda saxlanmalı |
| +15°C-dən yuxarı temperaturda saxlanmamalı | +2°C-dən +15°C-yə qədər temperaturda saxlanmalı |
| +8°C-dən yuxarı temperaturda saxlanmamalı | +2°C-dən +8°C-yə qədər temperaturda saxlanmalı |
| +8°C-dən aşağı temperaturdan saxlanmamalı | +8°C-dən +25°C-yə qədər temperaturda saxlanmalı |
| Rütubətdən qorunmalıdır | Nisbi rütubət 60%-dən yuxarı olmamalıdır və xəstəyə rütubətdən qorunan qablaşdırmada verilməlidir |
| İşıqdan qorunmalıdır | Xəstəyə işıqdan qorunan qablaşdırmada verilməlidir |