Həbsdə olan kriminal avtoritet “Arman Dikiy” istintaq təcridxanasında özünə xəsarət yetirib.
Heftelik.az-ın Lent.az-a istinadən verdiyi məlumata görə, yayılan məlumatı Cinayət Axtarış İdarəsi də təsdiqləyib.
İdarədən qeyd olunub ki, məhkum özünə yüngül xəsarətlər yetirib, onun vəziyyəti qənaətbəxşdir.
Bildirilir ki, Arman Cumagəldiyev xüsusi nəzarət altındadır, onunla müəssisənin psixoloqları tərəfindən profilaktik işlər aparılır. Faktiki olaraq daxili araşdırmaya göstəriş verilib.
Qeyd edək ki, “Arman Dikiy” mərhum azərbaycanlı “qanuni oğru” “Lotu Quli” ləqəbli Nadir Səlifovun yaxın dostu olub.
