Danimarkanın tərkibində muxtariyyət statusunda olan dünyanın ən böyük adası Qrenlandiyada hakim partiya müstəqilliyə dair referendumu keçirməyi planlaşdırır.
Heftelik.az-ın xəbərinə görə, bu barədə Reuters məlumat yayıb.
Hakim partiya Danimarka Krallığında adanın genişləndirilmiş muxtariyyəti haqqında qanuna əsaslanır. Qanunda yer alan maddələrdən biri Qrenlandiyanın tam müstəqilliyinə dair danışıqlara imkan verir.
Hakim partiyanın sözçüsü Doris Censen deyib ki, ölkələri müstəqil dövlət statusu alana qədər danışıqlarda rəsmi iştirak imkanları məhdud olacaq.
Qeyd edək ki, ABŞ Prezidenti Donald Tramp Qrenlandiyanın ABŞ-ın tərkibində olmalı olduğunu bəyan edib. Danimarka buna sərt reaksiya verib.
Qrenlandiyanın müstəqilliyə can atması Avropa üçün böhrana yol açacaq proseslərdən biri sayılır.