Pilotsuz uçuş aparatları (PUAS) yalnız aid olduğu coğrafi zonanın şərtləri və məhdudiyyətlərinə uyğun istismar oluna bilər.
Heftelik.az-ın məlumatına görə, bu, “Mülki pilotsuz uçuş aparatlarının istismarı, qeydiyyata alınması və kateqoriyalara bölünməsi Qaydaları”nda əksini tapıb.
Bu tələblər PUAS əməliyyatlarının təhlükəsiz və qanuni aparılmasını təmin edir. Nəzarət olunan hava məkanında və aerodromyanı ərazilərdə əməliyyatlar yalnız mərkəzin icazəsi ilə mümkündür. İcazə üçün müraciət əməliyyatdan minimum 3 saat əvvəl edilməlidir. Müraciət müəyyən edilmiş elektron poçt vasitəsilə həyata keçirilir. Pilot (operator) bir sıra məlumat və sənədləri təqdim etməlidir. Bunlara istismarçının adı və PUA-nın qeydiyyat sertifikatı daxildir. Əlavə olaraq əməliyyatın başlanma və bitmə vaxtı, xüsusiyyətləri də göstərilməlidir. “B” kateqoriyasına aid PUAS üçün isə istismarçı sertifikatı və ya əməliyyat icazəsi tələb olunur. Bu prosedurlar aviasiya təhlükəsizliyi və uçuşların planlaşdırılması üçün əsasdır.