Mingəçevirdə avtomobil iki piyadanı vurub.
Heftelik.az-ın APA-ya istinadən verdiyi məlumata görə, “KİA” markalı minik maşını 2008-ci il təvəllüdlü Ədalət Nəzirlini və onun həmyaşıdı Murad Məmmədlini vurub.
Hadisə nəticəsində xəsarət alan yeniyetmələr xəstəxanaya yerləşdirilib.
Faktla bağlı Mingəçevir şəhər Polis şöbəsində araşdırma aparılır.
TƏBİB-dən bildirilib ki, iyunun 2-də saat 13:50 radələrində yol-nəqliyyat hadisəsi ilə əlaqədar 2 nəfər (kişi cinsli) Mingəçevir Şəhər Mərkəzi Xəstəxanasının Təcili tibbi yardım şöbəsinə hospitalizasiya olunub.
2008-ci il təvəllüdlü şəxsə sağ diz oynağının qapalı travması, digər 2008-ci il təvəllüdlü şəxsə isə burun nahiyəsinin əzilmiş yarası, bədənin çoxsaylı sıyrılmış yarası diaqnozları təyin edilib.
Hazırda hər birinin müalicəsi davam etdirilir, vəziyyətləri stabildir.