Ankara Böyük Şəhər Bələdiyyəsinə qarşı korrupsiya faktı ilə bağlı istintaq başladılıb.
Heftelik.az-ın Türkiyə mediasına istinadən verdiyi məlumata görə, Ankara Baş Prokurorluğunun apardığı istintaq 2021-2024-cü illər arasında keçirilmiş 32 konserti əhatə edir.
Prokurorluğun açıqlamasında bildirilib ki, aparılan araşdırmalar 32 konsertin ictimaiyyətə 154 milyon 453 min lirə dəyərində ziyan vurduğunu göstərir.
İstintaq çərçivəsində 13 nəfər saxlanılıb.
Qeyd edək ki, Ankara Böyük Şəhər Bələdiyyəsinin sədri Mənsur Yavaşdır. Mənsur Yavaş Cümhuriyyət Xalq Partiyasında prezidentliyə iddialı əsas iddialı şəxslərdən biri sayılır.