Fiziologiya və ya tibb üzrə Nobel mükafatı laureatları məlum olub.
Heftelik.az “Nobelprize.org”a istinadən xəbər verir ki, Meri E. Brunkou, Fred Ramsdell və Şimon Sakaquçi sözügedən sahə üzrə 2025-ci ilin laureatları elan edilib.
Onlar bu mükafata periferik immun tolerantlığı ilə bağlı kəşflərinə görə layiq görülüblər.
Qeyd edək ki, Meri E. Brunkou 1961-ci ildə ABŞ-da doğulub. Onun əsas elmi maraq dairəsi genetika, molekulyar biologiya və immunologiya sahələrini əhatə edir. Fred Ramsdell isə ABŞ-lı immunoloqdur. Şimon Sakaquçi Yaponiya immunoloqu və Osaka Universitetinin professorudur.
Xatırladaq ki, Victor Ambros və Gary Ruvkun sözügedən sahə üzrə 2024-cü ilin laureatları elan edilib.