Dövlət büdcəsindən maliyyələşən təşkilatlar tərəfindən beynəlxalq və ölkə səviyyəli tədbirlərin keçirilməsi, habelə xarici ölkələrin nümayəndə heyətlərinin və rəsmi şəxslərinin qəbulu, onlara xidmət göstərilməsi üçün büdcə vəsaitlərinin xərc normaları artırılıb.
Heftelik.az-ın xəbərinə görə, Nazirlər Kabineti bu barədə qərar verib.
Qərara əsasən, xərc normaları aşağıdakı kimi olacaq:
2
| Sıra №-si | Xərclər | Xərc normalarının yuxarı həddi |
| 1. Yemək xərcləri (1 nəfər üçün) | ||
| 1.1. | nahar yeməyi | 90 manat |
| 1.2. | şam yeməyi | 120 manat |
| 1.3. | ziyafət (tədbir ərzində 2 dəfədən artıq olmamaq şərtilə) | 180 manat |
| 1.4. | gün ərzində tədbirin təşkili ilə bağlı cəlb olunan yardımçı heyət (sürücülər, könüllülər, təhlükəsizlik işçiləri və s.) üçün yemək xərci | 30 manat |
| 1.5. | gün ərzində danışıqlar, mədəni tədbirlər zamanı çay, qəhvə fasiləsi və qəlyanaltı | 30 manat |
| 2. Dəftərxana xərcləri (1 nəfər üçün) | ||
| 2.1. | nümayəndə heyətinin rəhbəri, nazirlər və onlara bərabər tutulan şəxslər, sabiq dövlət və hökumət başçıları, deputatlar, fəxri qonaqlar üçün | 80 manat |
| 2.2. | nümayəndə heyətinin üzvləri üçün | 40 manat |
| 3. Azərbaycan Respublikasının tarixini və mədəniyyətini təcəssüm etdirən xatirə hədiyyələrinin alınması xərcləri (1 nəfər üçün) | ||
| 3.1. | nümayəndə heyətinin rəhbəri, nazirlər və onlara bərabər tutulan şəxslər, sabiq dövlət və hökumət başçıları, deputatlar, fəxri qonaqlar üçün | 200 manat |
| 3.2. | nümayəndə heyətinin üzvləri üçün | 70 manat |
İndiyə qədər xərc normaları aşağıdakı kimi olub:
| Sıra №-si | Xərclər | Xərc normaları |
| 1 | 2 | 3 |
| 2. Yemək xərcləri (1 nəfər üçün) | ||
| 2.1. | nahar yeməyi | 60 manata qədər |
| 2.2. | şam yeməyi | 80 manata qədər |
| 2.3. | ziyafət (tədbir ərzində 2 dəfədən artıq olmamaq şərtilə) | 120 manata qədər |
| 2.4. | gün ərzində tədbirin təşkili ilə bağlı cəlb olunan yardımçı heyət (sürücülər, könüllülər, təhlükəsizlik işçiləri və s.) üçün yemək xərci | 20 manata qədər |
| 2.5. | gün ərzində danışıqlar, mədəni tədbirlər zamanı çay, qəhvə fasiləsi və qəlyanaltı | 20 manata qədər |
| 3. Dəftərxana xərcləri (1 nəfər üçün) | ||
| 3.1. | nümayəndə heyətinin rəhbəri üçün | 60 manata qədər |
| 3.2. | nümayəndə heyətinin üzvləri üçün | 30 manata qədər |
| 4. Azərbaycan Respublikasının tarixini və mədəniyyətini təcəssüm etdirən xatirə hədiyyələrinin alınması xərcləri (1 nəfər üçün) | ||
| 4.1. | nümayəndə heyətinin rəhbəri üçün | 150 manata qədər |
| 4.2. | nümayəndə heyətinin üzvləri üçün | 50 manata qədər |
Qeyd edək ki, indiyə qədər qüvvədə olan qərara əsasən, xarici ölkələrin nümayəndə heyətlərinin qəbulu ilə əlaqədar nahar, şam yeməyi, habelə ziyafət verilməsi zamanı Azərbaycan Respublikası tərəfindən iştirakçıların sayı xarici nümayəndə heyəti üzvlərinin sayından çox olmamalı idi. Dəyişikliyə əsasən, bu halda Azərbaycan Respublikası tərəfindən iştirakçıların sayı xarici nümayəndə heyəti üzvlərinin sayının 1,5 mislindən çox olmamalıdır.