Cəlilabad rayonunda qətl hadisəsi baş verib.
Heftelik.az APA-ya istinadən xəbər verir ki, hadisə rayonun Günəşli kəndində qeydə alınıb.
Günorta saatlarında kənd sakini 1990-cı il təvəllüdlü Vüsal Cəfərovla həyat yoldaşı Kəsirə Cəfərova arasında mübahisə yaranıb.
Mübahisə zəminində 32 yaşlı Kəsirə Cəfərova bıçağa əl ataraq ərinə xəsarət yetirib. Yaralı dərhal xəstəxanaya çatdırılsa da, onun həyatını xilas etmək mümkün olmayıb. Kəsirə Cəfərova artıq polis tərəfindən saxlanılıb.
Qeyd edək ki, mərhum Vüsal Cəfərov daş karxanasında çalışıb və hadisə baş verən vaxt o, işdən evinə yenicə qayıdıb.