“Qarabağ” UEFA Çempionlar Liqasının əsas mərhələsinin VI turunun oyununda məğlub olub.
Heftelik.az xəbər verir ki, “Ayaks”la Tofiq Bəhramov adına Respublika stadionundakı matç qonaqların qələbəsi ilə bitib – 4:2.
Azərbaycan təmsilçisinin heyətində Kamilo Duran 10-cu dəqiqədə hesabı açıb.
Qonaqlardan Kasper Dolberq 39-cu dəqiqədə tarazlığı bərpa edib. 47-ci dəqiqədə Mateus Silva yenidən “Qarabağ”ı hesabda önə keçirib.
“Ayaks”ın heyətində 79-cu dəqiqədə Oskar Qlux, 83-cü dəqiqədə Anton Qoei adını tabloya yazdırıb. Oskar Qlux 90-cı dəqiqədə fərqlənməklə dubd müəllifi olub.
Niderland klubu Liqa mərhələsində ilk qələbəsini qazanıb. “Qarabağ”ın turnirdə 7 xalı var.
***
saat 23.34
UEFA Çempionlar Liqasının əsas mərhələsinin VI turunun “Qarabağ” – “Ayaks” (Niderland) oyununda növbəti dəfə hesab dəyişib.
Heftelik.az xəbər verir ki, “Qarabağ” yenidən hesabda önə keçib – 2:1.
47-ci dəqiqədə Mateus Silva fərqlənib.
***
saat 22.03
UEFA Çempionlar Liqasının əsas mərhələsinin VI turunun “Qarabağ” – “Ayaks” (Niderland) oyunu start götürüb.
Heftelik.az xəbər verir ki, Tofiq Bəhramov adına Respublika stadionundakı matçı sloveniyalı FIFA referisi Rade Obrenoviçin başçılıq etdiyi hakimlər briqadası idarə edir.
Matçda hesabı Azərbaycan təmsilçisi açıb. 10-cu dəqiqədə Kamilo Duran fərqlənib.
Qonaqlarda Kasper Dolberq 39-cu dəqiqədə tarazlığı bərpa edib.
“Qarabağ” hazırda turnir cədvəlində 7 xalla 21-ci pillədə qərarlaşıb. Əvvəlki beş qarşılaşmanın hamısında məğlub olan qonaqlar sonuncu – 36-cıdır.