Əmək pensiyalarının təyin edilməsi və hesablanması mexanizmlərinin hüquqi bazası yeni qaydada müəyyən olunub.
Heftelik.az-ın məlumatına görə, bu, “Əmək pensiyalarının təyin edilməsi, hesablanması, yenidən hesablanması, bir növdən başqa növə keçirilməsi və ödənilməsi Qaydası”nda əksini tapıb.
Qaydaya əsasən, bütün müddəalar “Əmək pensiyaları haqqında” Qanunun tələbləri ilə uyğunlaşdırılıb.
Pensiya prosesinin elektronlaşdırılması və MEİS-in istifadəsi əsas yanaşmalardan biri kimi təqdim edilir.
PAS altsistemi sənədlərin rəqəmsal emalında əsas rol oynayır.
Pensiya kapitalı və indeksləşmə ilə bağlı əvvəlki dövrlərə aid istisna müddəalar ayrıca qaydalarla tənzimlənir.
Qulluq stajına görə əlavələrin hesablanması isə Prezident Fərmanı ilə təsdiqlənmiş xüsusi mexanizmlə aparılır.
Bütün terminlər qanunda müəyyən edilmiş mənalarla tətbiq edilir.
Ümumi müddəalar pensiya təminatında vahid idarəetmə və şəffaflıq məqsədini güdür.