“Yeni qaydalara əsasən, bundan sonra diplomlar yalnız elektron formada təqdim olunacaq, kağız daşıyıcıda verilməyəcək”.
Heftelik.az xəbər verir ki, bunu APA-ya Elm və Təhsil Nazirliyinin Təhsil Sisteminin İnformasiyalaşdırılması İdarəsinin rəisi Vüsal Xanlarov deyib.
Təqdim edilən bütün sənədlər sistem üzərindən formalaşacaq
O bildirib ki, vətəndaş işlədiyi və ya ehtiyac duyduğu halda şəxsi kabinetindən diplomu çap edə biləcək, çap edilmiş sənədlər notarial qaydada təsdiqlənə biləcək.
Vüsal Xanlarov Səfərbərlik və Hərbi Xidmətə çağırış üzrə Dövlət Xidmətinə bu sənədlərin necə təqdim ediləcəyinə də aydınlıq gətirib:
“Təqdim edilən bütün sənədlər sistem üzərindən formalaşacaq və bütün dövlət qurumları bu elektron sistemə qoşulacaq. Eyni zamanda həmin sənədlərin digər dövlət qurumlarına ötürülməsi də təmin ediləcək. Vətəndaşın özü ilə yanaşı, valideynləri və qanuni qəyyumları da bu sistemə çıxış əldə edəcəklər”.
Əvvəl verilən diplomlar itirildiyi halda sənəd elektron formada təqdim olunacaq
O bildirib ki əvvəl verilən diplomlar itirildiyi halda sənəd elektron formada təqdim olunacaq: “Əvvəllər verilmiş diplomlara gəlincə, onların itirilməsi halında dublikatın əldə edilməsi mümkün olacaq. Lakin bu proses də yalnız elektron qaydada həyata keçiriləcək. Yəni əvvəllər diplom almış şəxs sənədini itirdikdə artıq diplomun dublikatı elektron formatda təqdim olunacaq”.
Saxta diplomların qarşısı alınacaq
Vüsal Xanlarov sonda qeyd edib ki, elektron qaydada verilən diplom elektron qaydada yoxlanıla